Tula Para sa Kanya

Naaalala ko pa ang gabing una tayong nagkausap

Naaalala ko pa ang tahimik at tulog na mga ulap

Hindi ko makakalimutan kung paano ang simula

Ang kwento nating parang aso’t pusa.

Naaalala ko ang mga kwento mo

Kung paano ko iniyakan ang mga ito

Naaalala ko ang una kong naramdaman para sa’yo

Parang isang blankong papel na may napakadaming guhit puso

Hindi ko sukat akalaing mamahalin kita

Ang nararamdaman ko ay hindi masukat na parang karagatan ng mga tala

Mahal, ganoon din ba ang pagmamahal mo?

Kahit na lagi tayong nagtatalo?

Alam ko mahal, ang nararamdaman natin ay hindi puro saya,

Minsan lungkot, inis, tampo

Lungkot, inis, tampo

Pero mahal, sana sa huli pagmamahal pa rin ang nangingibabaw sa puso mo

Hindi ko man nasasabi sayo,

Mahal, masaya ako sa piling mo

Hindi man ikaw ang una kong minahal,

Gusto ko ikaw ang mamahalin ko ng pinakamatagal.