Paalam

Mahal ito ang huling gabing makakausap kita

Nakatingin sa kawalan binabalikan kung pano ang simula

Mula sa saya, lungkot at mga tawa

Hinahanap kita sa mga tala.

Ikaw ang nagbibigay ngiti sa aking mga labi,

Kailan kaya ako muling ngingiti?

Oo, lilipas ang mga araw at gabi

Ngunit ang sakit at lungkot ay hindi basta mapapawi

Mahal, sana'y ika'y maging masaya sa iyong tatahakin

Mga alaala mo sa nakaraan ay sana iyong dalhin

Ang aking hiling mahal, sana sa pag lisan mo,

Walang alaala ko ang matitira sa isipan mo.

Sa pag lisan mo, wag sana ako'y iyong isipin.

Aasahan mong bagong buhay ay aking hahanapin

Buhay at mundong, walang ikaw, walang tayo

Pasensya na mahal, ayaw ko na sa mundong merong tayo, ayaw ko na sa puso ko.